Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

6-a Kongreso de Esperanto en Kubo: Lingvoj kaj kulturoj por identeco en diverseco.

De la 18-a ĝis la 22-a de novembro 2015 okazos en Havano la 6-a kongreso de Kuba Esperanto-Asocio, kiu arigos esperantistojn el la tuta lando plus eksterlandaj geamikoj kiuj esprimis sian intereson veni al Kubo por ĝui la landan kongreson, kies ĉefa temo estos Lingvoj kaj kulturo por identeco en diverseco.

Kiam oni trarigardas la homaran historion eblas konstati ke la lingva adaptiĝo estas parto de la instinkto de supervivado, ĉar adapti nian parolmanieron al la ĉirkaŭajo  helpas nin identiĝi kun ĝi, kaj tia konduto kongruas kun la evoluigaj teorioj kiuj asertas ke transvivas ne nepre la plej fortaj sed tiuj kiuj pli bone adaptiĝas al ŝanĝoj.

Tiamaniere oni konfirmas ke por starigi la identecon, tio estas, la apartesenton  al iu kolektivo aŭ grupo,  la lingvo estas esenca, ĉar ĝi determinas kaj favoras nian senton pri tio ke ekzistas propra lingva variaĵo kiu karakterizas nian grupon kaj samtempe distingas nin de la aliaj.

Pri tiuj ĉi demandoj traktos la kongreso krom enhavi kulturklerigan kaj distran programon, instruado de la lingvo, seminarioj, ekskursa programo kaj vere riĉa semajno en Havano, en la sidejo nacia de la kuba unuiĝo de arkitektoj kaj konstruiĝenierado.

Por pliaj informoj vizitu la paĝon www.esperantocuba.org

Bonvenon en Havano!

Eldonita de Maritza Gutierres González
Komentarioj
lasu komentarion
  • Esperanto 17-11-19
  • Esperanto 10-11-19
  • Esperanto 03-11-19
  • Esperanto 27-10-19
  • Esperanto 20-10-19
  • Esperanto 13-10-19
vizitkalkulilo

6660692

  • maxima: 19729
  • yesterday: 4802
  • today: 4825
  • online: 126
  • total: 6660692