Logo Radio Habana Cuba

Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

Reagas Ĉinio al usona kampanjo per apliko de reciprokaj limigoj kontraŭ amaskomunikiloj

Pekino, mar 18 (RHK) La ministerio pri eksteraj rilatoj de Ĉinio diskonigis komunikon pri regularo kontraŭ la amaskomunikiloj kaj ĵurnalistoj usonaj laborantaj en la azia lando, kio implicas tujan forigon de ĵurnalistoj kun pendantaj renovigoj de akreditaĵoj.

La komuniko atentigas ke en la lastaj jaroj la usona registaro aprobis nepravigeblajn limigojn kontraŭ la ĉinaj amaskomunikiloj kaj ties personaro en Usono, malhelpante ilian laboron kaj diskriminaciante ilin, raportisla televida ĉeno Telesur.

Ekde decembro 2018 Usono ordonis al kelkaj ĉinaj amaskomunikiloj registriĝi kiel “eksterlandaj agentoj” kaj en februaro 2020 ili nomis 5 tiajn amaskomunikilojn kiel “eksterlandaj misioj” limigante la nombron da ĉinaj civitanoj kiuj povas labori en tiuj amsamedioj.

Tiuj agoj kondukis al “forigo de ĉinaj civitanoj de Usono” kaj la registaro de Xi Jinping rezervis al si la rajton “respondi”, kion Ĉinio ĵus faras nun kun “tuja efiko”.

La ĉinaj eldonoj de Voice of America, The New York Times, The Wall Street Journal, The Washington Post kaj Time, estas nun nomumitaj kiel “eksterlandaj misioj”, kaj sekve devas raporti skribe pri “sia personaro, financoj, operacioj kaj propraĵoj”en Ĉinio.

Same, tiuj ĵurnalistoj laborantaj en la ĉina eldono de The New York Times, Wall Street Journal kaj Washington Post, kies akreditaĵoj kadukiĝas ĉi-jare, estas petataj redoni ĝin ene de la sekvaj 10 tagoj.

Ili ne plu rajtas labori en Ĉinio kiel ĵurnalistoj, inkluzive en la administraj regionoj de Honkongo kaj Makao.

Eldonita de Maritza Gutiérrez González
Komentarioj
lasu komentarion
  • Esperanto-29-03-20
  • Esperanto-22-03-20
  • Esperanto 15-03-20
  • Esperanto-08-03-20
  • Esperanto 01-03-20
  • Esperanto 23-02-20
vizitkalkulilo

7606256

  • maxima: 19729
  • yesterday: 7035
  • today: 6274
  • online: 197
  • total: 7606256