Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

ALBA kaj Petrocaribe esploros eblan ekonomian zonon.

La membrolandoj de la Bolivara Alianco por la Amerikoj (ALBA) kaj de la energetika interkonsento  Petrocaribe pintkunsidos en Karakaso por ebla subskribo de traktato inter ambaŭ organizaĵoj kaj kreado de ekonomia zono.
De antaŭ kelkaj tagoj, la ministro pri eksteraj rilatoj de Venezuelo, Elías Jaua esprimis ke “finfine oni diskutos kaj eble jam estos pretaj subskribi la konsistigan traktaton Eco-ALBA, ekonomia spaco de nia Alianco kaj avanci en la kreado de la ekonomia zono kun Petrocaribe.”
La venezuela ministro klarigis ke oni konfirmis la partoprenon en la pintkunsido de la prezidentoj Rafael Correa de Ekvadoro; Evo Morales de Bolivio; Daniel Ortega  de Nikaragvo; Danilo Medina de Dominika Respubliko; Dési Bouterse de Surinamo kaj Michel Martelly de Haitio.
Oni atendas la partoprenon de ŝtatestroj kaj altrangaj funkciuloj de la karibaj landoj kaj Sudameriko kiuj partoprenas en ambaŭ organizaĵoj.
La speciala ekonomia zono estis proponita de la venezuela prezidento Nicolás Maduro en la pintkunsido de ALBA okazinta en Ekvadoro la pasintan julion.
Dum la pintkunsido oni ankaŭ pritraktos eventualan rilaton inter la  komuna merkato de la Sudo (MERCOSUR),  organo kiun Venezuela nuntempe prezidas kaj la speciala ekonomia zono.
Eldonita de Maritza Gutierres González
Komentarioj
lasu komentarion
  • Esperanto 15-10-17
  • Esperanto 08-10-17
  • Esperanto 01-10-17
  • Esperanto 24-09-17
  • Esperanto 17-09-17
  • Esperanto 10-09-17
vizitkalkulilo

3836173

  • maxima: 19729
  • yesterday: 4823
  • today: 2203
  • online: 213
  • total: 3836173