La kuba ĉefurbo preskaŭ pretas por akcepti la ŝtatestrojn kaj regnestrojn de la 33 landoj kiuj formas la komunumon de ŝtatoj latinamerikaj kaj karibiaj (CELAC) kies II-a pintkunsido sesios en tiu ĉi urbo la 28-an kaj 29-an de januaro.
En la foirejo Pabexpo, kunsidos unue la fakuloj, poste la ministroj pri eksteraj rilatoj kaj laste la ŝtatestroj, kiuj devos aprobi gravajn rezoluciojn kaj la agadplanon de la regiona organizaĵo por la nuna jaro.
La 24-an de januaro malfermiĝos la gazetara centro de la pintkunsido kiu ricevos centojn da ĵurnalistoj el la tuta kontinento.
La devizo de la pintkunsido estas batali kontraŭ la malsato, malriĉeco kaj malegaleco en Latinameriko kaj Karibio; nuntempe Kubo havas la provizoran prezidantecon de tiu mekanismo integriga kiu pli kaj pli rekonatas kiel la plej grava organizaĵo regiona.
Laŭ la programo, la ŝtatestroj inaŭguros la pintkunsidon la 28-an de januaro kaj poste kunsidos fermite antaŭ la unua plensesio de la evento. Tiutage, la vizitantoj estos akceptitaj en la prezidenta palaco de Havano, en la Placo de la Revolucio flanke de la kuba prezidento Raúl Castro.
Rilataj Artikoloj
Komentarioj
Lasu komentarion
Ĉiuj kampoj bezonatasPliaj Vidaĵoj
- Informadiko 2024, akcelo al cifereca transformo en Kubo
- Intensaj pluvoj kaj ŝtormoj provokas damaĝojn en la okcidento de Kubo
- Post la intensaj pluvoj, la rekuperiĝo progresas intense
- Kuba ministro pri eksteraj aferoj kondamnas limigojn al la helpeniro al Gazao
- Prezidento de Kubo vizitas interescentrojn en la provinco Artemisa