Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

La sindikato de la sanlaboristoj gvidos la marŝon okaze de la unua de majo.

La 1-an de majo okazos en la Placo de la Revolucio de Havano la centra marŝado omaĝe al la internacia tago de la laboristoj, kiun ĉi foje gvidos la sindikato de la kubaj sanlaboristoj, kaj same okazos en aliaj ses provincoj kaj kelkaj distriktoj tra la tuta lando.
La doktorino Raquel Toledo Padilla, membro de la nacia sekretariejo de la sindikato, klarigis ke pli ol 50 mil gelaboristoj marŝados en Havano, interalie, 10 mil flegistinoj.
La devizoj de tiu ĉi ceremonio estas organizo, beleco, amaseco kaj disciplino; ankaŭ partoprenos la marŝadon gelaboristoj el 41 hospitaloj, esplorinstitutoj kaj entreprenoj de la sansektoro, plus gestudentoj inkluzive de la Latinamerika Lernejo de Kuracistoj (ELAM).
La doktorino klarigis ke ankaŭ familianoj kaj loĝantoj proksimaj al diversaj hospitaloj, poliklinikoj kaj aliaj similaj institucioj aliĝos al la marŝado, kies koloro estos markita de la blanko kunportante kubajn flagojn aldone al la flagoj de 68 landoj kie nuntempe laboras en diversaj misioj pli ol 40 mil kubanoj de tiu ĉi sektoro.
Eldonita de Maritza Gutierres González
Komentarioj
lasu komentarion
  • Esperanto 22-10-17
  • Esperanto 15-10-17
  • Esperanto 08-10-17
  • Esperanto 01-10-17
  • Esperanto 24-09-17
  • Esperanto 17-09-17
vizitkalkulilo

3855001

  • maxima: 19729
  • yesterday: 4211
  • today: 2177
  • online: 195
  • total: 3855001