Kubo raportas 66 novajn kazojn de Covid-19 kaj neniun forpasinton

Eldonita de Maritza Gutiérrez González
2020-09-30 10:25:00

Pinterest
Telegram
Linkedin
WhatsApp

Havano,  sep 30 (RHK) La  ministerio de publika sano de Kubo,  per la  dro. Francisco Durán estro de epidemiologio, informis  ke je la fermo de tiu ĉi mardo, oni konfirmis  66 novajn kazojn pozitivajn  kaj neniun forpasinton de Covid-19. La totalo akumulita de malsaniĝintoj estas je  5597.

Je sama dato, estas enhospitaligitaj por kontrolo epidemiologia 7150 pacientoj plus iliaj kontaktoj kaj suspektemaj. En tiu ĉi tago oni analizis 7550  samplojn kaj la lando jam akumulas 613 994 studitajn samplojn. Totalo de aktivaj kazoj pozitivaj estas 580  pacientoj.

En Kubo,  ĝis hodiaŭ,  el ĉiuj konfirmitaj kazoj 91% estas kontaktoj de antaŭaj pozitivoj dum  totalo de  442 personoj estis kontaĝitaj  eksterlande. El la totalo konfirmita 60,6% estis sen simptomaj. El la totalo hodiaŭa  10 estas de Havano,  1 de Matanzas, 40 de Ciego de Ávila kaj  14 de S. Spiritus en la centro de la insulo. Unu estas importita.

La nombro da forpasintoj entute estas je 122  kun indikilo de morteco je 2,17% sub la nivelo de la amerika regiono. Kubo restas je la pozicio 21 rilate la mortec-indikilon en la regiono kaj en la pozicio 114 en la mondo. Restas la nombro de  du eksterlandanoj evakuitaj al siaj respektivaj landoj kaj 4893  jam rekuperiĝintaj (27  pliaj hieraŭ). Ses     pacientoj  estas en grava stato kaj 2 en kriza stato.

Ĝis sama dato la mondo akumulas iom pli ol   33 milionojn da kontaĝitoj pro tiu ĉi malsano kun indikilo de morteco je  2,99 % dum la amerika regiono havas ĉirkaŭ  50% el ĉiuj kazoj en la mondo. La nombro da konfirmitoj estas pli ol 16 milionoj. La nombro da forpasintoj  en la regiono montras indikilon de  morteco je  3,34%.

Kubo  trapasas rekuperiĝan fazon, tamen,   Havano estas en   fazo de loka transmisiado,  tial la urbo travivas  etapon per limigaj regulaĵoj cele bremsi la kontaĝon kaj same okazas en la centra provinco Ciego de Ávila kaj en aliaj distriktoj en Matanzas, Sancti Spiritus,  Artemisa kaj Holguín, en la orienta regiono.



Komentarioj


Lasu komentarion
Ĉiuj kampoj bezonatas
Ne estos publikigita
captcha challenge
up