Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

Laŭdis Ban-Ki-moon decidon de Kubo sendi kunlaborantojn al Afriko.

La ĝenerala sekretario de UN, Ban-Ki-moon, laŭdis la decidon de Kubo sendi 165 kunlaborantojn al Afriko por batali kontraŭ ebolo kaj instigis aliajn landojn same fari.
 
“La ĝenerala sekretario kontente bonvenigas la anoncon faritan de la kuba registaro”, esprimis la raportisto de UN, Stéphane Dujarric dum la taga gazetara konferenco de tiu internacia organo.
 
UN ankaŭ dankis la mobilizon de la Afrika Unio kaj la helpoj oferitaj de aliaj landoj tra la mondo, inter ili Usono kaj Britio.
 
Li ankaŭ petis al ĉiuj ke neniu lando fermu la eniron al personoj devenantaj el Gvineo, Liberio kaj Sieraleono, kaj petis al flugkompanioj kaj transportaj entreprenoj daŭrigi siajn konektojn kun tiuj landoj.

“Izoligi tiujn landojn povas krei pli da problemoj kaj malfruigi la klopodojn por haltigi la viruson de ebolo, anstataŭ preventi ties ekspansiiĝon”, emfazis Dujarric.
 
UN aktivigis ĉi-semajne mekanismon de krizoj por mastrumi la tutmondan respondon fronte al la epidemio kaj la ĝenerala sekretario mem telefonis dum la lastaj tagoj al kelkaj internaciaj gvidantoj por peti subtenon.
 
Li ankaŭ intencas kunvoki kunsidon altnivelan pri ebolo fine de la monato, kadre de la ĝenerala asembleo de UN.
 

Eldonita de Maritza Gutierres González
Komentarioj
lasu komentarion
  • Esperanto 22-10-17
  • Esperanto 15-10-17
  • Esperanto 08-10-17
  • Esperanto 01-10-17
  • Esperanto 24-09-17
  • Esperanto 17-09-17
vizitkalkulilo

3858711

  • maxima: 19729
  • yesterday: 4037
  • today: 1850
  • online: 217
  • total: 3858711