Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

Raúl Castro ekkomencas viziton en Meksiko.

La kuba prezidento Raúl Castro alvenis al Meksiko por plenumi oficialan viziton, kiam la rilatoj inter ambaŭ landoj rekuperas sian historian plenecon.

La kuba prezidento alvenis al la internacia flughaveno de Mérida, ĉefurbo de Jukatano, kie li ricevas la honorojn taŭgajn al sia posteno, kaj poste kunsidos kun la meksika prezidento Enrique Peña Nieto.

La kunsido okazos en la Palaco de la Registaro, situanta en la Placo de la Sendependeco, en la jukatana ĉefurbo; la kuba ŝtatestro honoros, en la Parko de La Mejorada,  la infanojn martirajn de Chapultepec, forpasintaj dum batalo kontraŭ la usona invado, kaj estas simboloj de la martiroj en la historio de Meksiko.

Ambaŭ gvidantoj revizios la agendon reciprokan kaj ankaŭ la regionan kaj internacian; ili adoptos mekanismojn por daŭre avanci en la solidiĝo de la reciprokaj rilatoj, speciale pri migrado, turismo, komerco, edukado kaj ekonomia komplementeco, interalie.

La meksika ministro pri eksteraj rilatoj, Claudia Ruiz Massieu, esprimis ke ambaŭ landoj profitos el tiu ĉi renkontiĝo kadre de “renovigita rilato”.

Siaflanke, la guberniestro de Jukatano, Rolando Zapata, esprimis ke la “rilatoj kun Kubo estas historiaj, sed plenaj je vivanta aktualeco”.

La vizito Raúl Castro havas grandajn sekvojn en tiu ĉi urbo pro ties longaj historiaj ligoj kun la insulo, kiu posedas la simpation kaj dividitajn tradiciojn kun la loĝantaro.

Laŭ esprimis Mario Menéndez, direktoro de la gazeto Por Esto, de Meksiko, “la rilato historia kaj speciale kultura, estas tiom streĉa ke kelkfoje malfacilas kompreni kie finiĝas la nia kaj kiam komenciĝas la kuba”.

Eldonita de Maritza Gutierres González
Komentarioj
lasu komentarion
  • Esperanto 22-10-17
  • Esperanto 15-10-17
  • Esperanto 08-10-17
  • Esperanto 01-10-17
  • Esperanto 24-09-17
  • Esperanto 17-09-17
vizitkalkulilo

3854744

  • maxima: 19729
  • yesterday: 4211
  • today: 1920
  • online: 168
  • total: 3854744