Kiel estis anoncite, alproksimiĝas
en Kubo popola konsultiĝo pri programaj
agadlinioj de la Komunista Partio,
organizaĵo kiu politike gvidas la
socian projekton de la lando.
La naturo kaj kontinueco de la kuba
revolucio estis subtenataj laŭlonge
de la historio de popola apogo,
eĉ per vastaj konsultiĝoj kie neniu
opinio malsama al tiu de la plimulto
estis marĝenita. Pro tio, denove
oni decidis vaste konsultiĝi kun
la civitanaro okaze de la prokrasto
de la sesa kongreso de la partio
kiu devintus okazi fine de tiu ĉi
jaro.
La konsultiĝo celas, kiel ĉiam,
ke la popolo pridiskutu la diversajn
aspektojn de gravaj temoj por la
enlanda vivo, kies konsekvencoj
por la tuta socio kaj eĉ por la
estonteco meritas tion fari.
Perfektigo de la kuba socia projekto
socialista kaj bezono plifortigi
la ekonomion kiel bazon de nacia
supervivado estas kernaj temoj,
kiuj meritas esti aŭskultataj, same
pri kontinueco de la revolucia procezo
iom post iom transprenota de la
novaj generacioj.
Estas sciate ke Kubo travivas malfacilajn
momentojn kaŭze de ekonomika kojunkturo
internacia ege malamika plus internaj
mankoj, faktoroj kiuj konsilis longigi
la tempon de la preparlaboroj por
la partia kongreso. La decido estis
alprenita, ĉar “la kongreso ne povas
esti unu plia evento”, asertis la
dua sekretario de la organizaĵo,
la prezidento Raúl Castro.
La ĉeftemo de la kongreso estos
la ekonomio, kaj same oni pridiskutos,
ĉion “faritan kaj tion plibonigendan
aŭ eĉ tion kio eliminendas”.
En lando kie oni kuntrenas la pezan
ŝarĝon de usona sieĝo ekonomika,
perdojn ĝis 10 mil milionoj da dolaroj
pro la damaĝoj provokitaj de tri
uraganoj en la jaro 2008 plus la
sekvoj de la kapitalista financa
krizo, nepras rekontroli la nunajn
rimedojn kaj la disponeblajn por
transvivado, sen neglekti la bezonojn
por evoluo.
Pro tio oni konsideras pozitiva
la intencon enketi la opiniojn de
milionoj da kubanoj organizitaj
en sindikatoj kaj alispecaj organizaĵoj
sociaj kaj politikaj.
La antaŭvidita konsultiĝo ne kontraŭdiras
la fakton ke la aŭtoritatuloj ekskizu
de nun plaltformon por la nuntempo
kaj estonteco, kiel firma ankro
por la nunaj necertaj tempoj internaciskale.
Okazigo de la kongreso en taŭga
momento despost debato demokratia
kaj popola transdonas marĝenojn
kromajn de garantio por konstruo
de pli promesplena estonteco por
la kuba socio.
|
