| La
jaro 2009 finiĝis per alvokoj plialtigi
la sociajn kontribuojn de ĉiu civitano
por alfronti la kompleksecon de
la nova jaro meze de tutmonda krizo
kaj la sekvoj de ruinigoj kaŭzitaj
de tri uraganoj plus la altrudata
usona sieĝo kies tuta mekanismo
estas daŭre firma.
Nur per propra laboro kaj uzo de
raciaj metodoj por stimuli produktivecon,
la kuba ekonomio povos haltigi malfacilan
etapon kaj iniciati novan. La nutra
produktado estos trascenda en la
jaro 2010.
Akcenti
rimedojn kaj strebojn en la agrikulturo
estos konvena en lando kiu tre dependas
de la akirado de nutraĵoj en eksterlando.
Des pli pro la fakto ke urĝas anstataŭi
importaĵojn, unue, en la nutra sektoro
ĉar la agrikultura branĉo multe
falis pro la longjara migrado de
iamaj kamparanoj kaj ties familioj
al urboj kaj pro mekanismoj kiuj
ne multe stimulis tiun ĉi laboron.
Oni devas memori ke meze de la jaro
2007, preskaŭ duono de la kultivebla
areo en Kubo estis ne uzita aŭ malmulte
ekspluatita, kvankam nuntempe oni
ekvidas progreson en tiu branĉo.
Oni
atendas ke la reordigo de la investo-programoj
pro la deficita disponebleco de
financaj rimedoj, garantios la kreskon
de eksportaĵoj kaj anstataŭon de
pluraj akiraĵoj eksterlande.
Oni ankaŭ klopodas reordigi pagmanierojn
laŭ rendimento kaj eĉ forigi subjektivajn
kaŭzojn kiuj malhelpas ties aplikon,
kio estas ankaŭ alia prioritato
por Kubo dum la jaro kiu ĵus komenciĝas.
Entute la kubaj aŭtoritatuloj alvokas
al pli forta laboro, ŝparado de
rimedoj aparte en la energetika
kampo, pli altigi laborproduktivecon
kaj pli konscii pri la landaj prioritatoj
cele al konstanta evoluo kun optimismo
meze de tre malfacilaj cirkonstancoj
en la nuntempaj kondiĉoj tutmonde.
Trad. M.Gutiérrez |
