La satelito HISPASAT 1D situas en la orbita fenestro 30º Okcidento.

Ĝi aldonas 28 novajn transmetilojn en la bando Ku al la sistemo de satelitoj Hispasat.

La ĉefa celo de tiu ĉi satelito estas certigi kontinuecon de la civilaj misioj (bando Ku) de la satelitoj 1A kaj 1B en la pozicio 30º W kaj sekve, faciligi kontinuecon de la servoj donataj al la nunaj klientoj, ĉar oni antaŭvidis ĝian vivofinon en 2003.

Hispasat 1D alportas aldonan kresko-kapaciton de 6 transmetiloj kun konektebleco amerika kaj transatlantika, kio ebligas etendigi la merkatan segmenton kie oni atendas pligrandan kreskon de la mendoj por orbita pozicio 30º Okcidento.

En tiu ĉi agadlinio oni devas prikonsideri la decidon aldoni surfacon super la Proksima Oriento al la serv-areo de la satelito 1D, kio ebligas, per duobla salto, aliron al la aziaj satelitoj flanke de niaj amerikaj kaj eŭropaj klientoj (kaj inverse), donante preskaŭ tutgloban konekteblecon.

Ĉiuj kubaj radiostacioj, Radio Havano Kubo kaj la naciaj stacioj televidaj estas disponeblaj en la frekvenco 11.884 Gigahercoj de la bando Ku.