Depost tri sezonoj en pura kresko, la teamo de Matanzas startas hodiaŭ kiel la granda favorigito por gajni la titolon de la kuba ĉampiono de basbalo, la nacia sporto, kvankam en tiu ĉi sezono ili devos venki la nunajn ĉampionojn, la teamo de Villa Clara.
Tiu ĉi teamo neniam estis en simila pozicio, eĉ ne de antaŭ 5 jaroj, sed ekde la enposteniĝo de la nova direktoro Víctor Mesa en la jaro 2011, la historio draste ŝanĝiĝis, speciale en tiu ĉi jaro.
Por la amantoj de la statistikoj ili sciu ke la teamo de Matanzas, kiu gvidis la regulan sezonon, gajnis 57 matĉojn en 87 ludoj kaj tial ili fariĝis la plej forta en la ofensiva flanko.
La hodiaŭa ludo okazos en la stadiono Victoria de Girón, en sia provinco, kie ili entute gajnis 30 matĉojn kaj nur perdis 12 , kio signifas ke ili havas altan procentaĵon de venkoj en sia propra tereno.
Kiel ajn, la historio ĉiam montris ke la fina sezono estas tute alia afero, kaj la tradicio multe pezas, kio favoras la teamon de Villa Clara; la alia grava ludo kiu okazos morgaŭ estos inter la teamoj de Pinar del Rio kaj la Industriistoj de Havano, du el la provincoj kiuj laŭlonge de la basbal-historio gajnis pli da titoloj de landaj ĉampionoj.
Rilataj Artikoloj
Komentarioj
Lasu komentarion
Ĉiuj kampoj bezonatasPliaj Vidaĵoj
- Informadiko 2024, akcelo al cifereca transformo en Kubo
- Intensaj pluvoj kaj ŝtormoj provokas damaĝojn en la okcidento de Kubo
- Post la intensaj pluvoj, la rekuperiĝo progresas intense
- Kuba ministro pri eksteraj aferoj kondamnas limigojn al la helpeniro al Gazao
- Prezidento de Kubo vizitas interescentrojn en la provinco Artemisa