Ĉio pretas en Argentino por la bazaj elektoj venontdimanĉe

Eldonita de Maritza Gutiérrez González
2021-09-10 11:41:23

Pinterest
Telegram
Linkedin
WhatsApp

Bonaero, sep 10 (RHK) Ekde la mateno de ĉi tiu vendredo, la elekta malpermeso por la Baza, Malferma, Samtempa kaj Deviga elektoj, pli konata kiel STEP la venontan dimanĉon, komencos regi tra la argentina teritorio.

Laŭ la balotaj leĝoj de la sudamerika lando, de la 08:00 laŭ la loka tempo ĉi-vendrede kaj ĝis tri horoj post la fino de la voĉdono, la kandidatoj kaj politikaj fortoj ne povos fari ian ajn deklaron aŭ fari politikan propagandon. 

La normo de la Nacia Balota Kodo validas ankaŭ por ŝtatoficistoj aŭ sociaj komunikantoj kaj inkluzivas la malpermeson disvastigi enketojn kaj  antaŭbalotajn sondadon.

Dum la 48 horoj de la balota malpermeso, la disvastigo de predikaj mesaĝoj per la presitaj kaj ciferecaj amaskomunikiloj, televido kaj radio ankaŭ estas ĉesigita.

La realigo de amasaj, kulturaj, sociaj aŭ sportaj spektakloj, ekstere aŭ endome, ankaŭ estas limigita.

Pro la voĉdona rimedo, la vendo de alkoholaj trinkaĵoj estas malpermesita ekde 20:00 laŭ loka tempo vendrede ĝis tri horoj post la fino de la elektoj.

Por efektivigi la STEP, la aŭtoritatoj kaj la Nacia Elekta Ĉambro laboris pri rimedoj kaj la efektivigo de la sanitara protokolo por malebligi la disvastiĝon de la kronviruso.

Pli ol 34 milionoj da argentinanoj estas vokitaj partopreni la primaran procezon la 12an de septembro, de kiu eliros la kandidatoj, kiuj konkuros en leĝdonaj elektoj planitaj por la 14-a de novembro.


Fonto: Telesur
 



Komentarioj


Lasu komentarion
Ĉiuj kampoj bezonatas
Ne estos publikigita
captcha challenge
Nun ludanta
Retrato de Jazz
Sekve
  • Estampas
  • 24 Horas en el mundo
  • Inglés

Pliaj Vidaĵoj

up