Bildo / Centro Nacia pri Uraganoj
Havano, jul 1 (RHK) La Instituto pri Meteologio de Kubo raportis pri la evoluo de la Tropika Depresio Kvin, kiu fortiĝis en la lastaj horoj, kun ventoj de 64 km /h, kaj fariĝis Tropika Ŝtormo Elsa.
Je la kvina matene la centro de ĉi tiu tropika ŝtormo estis taksita je 9,4 gradoj norda latitudo kaj 48,8 gradoj okcidenta longitudo, pozicio, kiu lokas ĝin 1390 kilometrojn orient-sudoriente de la Malgranda Antila Arko. Ĉi tiu organismo moviĝas rapide okcidenten je 41 kilometroj hore.
Dum la venontaj 12 ĝis 24 horoj, antaŭvideblas ke Elsa plu pliigos sian translokan rapidon kaj klinos sian direkton al la okcidenta nordokcidento, spertante plian plifortiĝon.
La Barbada Veter-servo publikigis Tropikan Ŝtorman Averton por Sankta Vincento kaj Grenadinoj.
Konsiderante la pozicion de ĉi tiu sistemo kaj la jaran sezonon, la Prognozo-Centro de la Kuba Meteologia Instituto zorge observas ĝian evoluon kaj estontan trajektorion.
La sekva averto pri tropika ciklono estos eldonita je la sesa posttagmeze ĉi-ĵaŭde, ĵaŭde.
Fonto: Insmet, Noaa
