Kun la prezento de la projekto La amikoj de l´amiko en la kultura domo de Alba Cultural en Havano, la unuiĝo de la komunista junularo memorigis la komandanton Hugo Chávez okaze de lia 61-a naskiĝdatreveno ĉi-28-an de julio.
La renkontiĝo estis oportuna okazo por interŝanĝo inter la gejunuloj pri la heredaĵoj lasitaj de la gvidanto de la bolivara revolucio, liaj humanismaj valoroj, defendo al la malriĉuloj kaj la dimensioj de lia politika pensado.
Dum la renkontiĝo sesiis forumo kun intelektuloj ligitaj al la figuro de Hugo Chávez, inter ili, Pedro Pablo Rodríguez, nacia premio pri historio kiu apartenas al la reto de intelektuloj kaj artistoj defende al la Homaro, iniciato impulsita de Chávez de antaŭ pli ol dek jaroj.
La projekto La amikoj de l´amiko estiĝis en 2013 depost la forpaso de la bolivara komandanto kaj ĝin partoprenas artistoj, verkistoj, intelektuloj, sportistoj, kuracistoj kaj aliaj profesiuloj kiuj iel ligiĝis al la vivo de Chávez aŭ de la venezuela popolo, kaj ili organizis kulturajn eventojn kun signifaj verkoj literaturaj, muzikaj, fotografiaj kaj libroprezentadoj en Latinameriko.
