Foto: Cubaminrex

Havano, apr 29 (RHK) La vjetnama popolo ĉiam taksas kaj memoras la solidarecon kaj subtenon, kiujn la Partio, la Ŝtato kaj la popolo de Kubo donis al sia lando dum preskaŭ sep jardekoj. Tion emfazis vjetnama vicprezidanto Vo Thi Anh Xuan kiam ŝi akceptis membron de la Politika Buroo kaj vicprezidenton de la Respubliko de Kubo, Salvador Valdés Mesa, en Ho-Ĉi-Min-urbo.

Laŭ vjetnama amaskomunikilaro Nhan Dhan, la vicprezidanto de la azia nacio emfazis la komunajn idealojn de ambaŭ nacioj, kiuj baziĝas sur la proksima amikeco inter la ĉefaj historiaj gvidantoj de la kariba nacio kaj Vjetnamio, ĉefkomandanto Fidel Castro Ruz kaj prezidento Ho Chi Minh, respektive.

Valdés Mesa dankis sian ekvivalenton pro la ŝanco renkontiĝi denove kaj emfazis la historion de heroeco de la frata vjetnama popolo kontraŭ la usona uu, kaj esprimis konfidon, ke ĝi daŭrigos, pozitive, sian procezon de socia konstruado, kiu konsistigas modelon.

Ambaŭ flankoj diskutis iniciatojn por akceli duflankajn rilatojn dum la Jaro de Amikeco Vjetnamio-Kuba 2025 kaj la efektivigon de la rezultoj de la vizito al la insulo de Ĝenerala Sekretario de la Komunista Partio de Vjetnamio, To Lam, en 2024.

Reveninte al Ho-Ĉi-Min-urbo, Valdés Mesa  frate kunvenis kun veteranoj de la Rezisto-Milito, entreprenaj gvidantoj kaj vjetnamaj studentoj diplomiĝintaj en nia lando, kaj esprimis sian dankon pro ilia solidareco kun Kubo.

Fonto: Granma