Usono celas trudi sian volon al la rajtoj de suverenaj ŝtatoj kaj jam de 67 jaroj uzas forton kaj agreson kontraŭ Kubo, asertis Bruno Rodríguez Parrilla, membro de la Politika Buroo kaj Ministro pri Eksterlandaj Aferoj.
Alfronte al la ambicioj de la usona imperiestro, Donald Trump, la kuba Ministro pri Eksterlandaj Aferoj deklaris, ke “ĉe lia flanko estas grandega milita potenco kaj la grandeco de lia ekonomio, plus vasta historio de agreso kaj krimoj. Ĉe nia flanko estas racio, Internacia Juro kaj la patrolanda spirito de nia popolo. La kubanoj ne pretas perfidi la landon, nek cedi al minacoj kaj ĉantaĝo, nek rezigni pri la neforigebla prerogativo, per kiu ni konstruas nian propran destinon, en paco kun la resto de la mondo.”
En sia X-konto, Rodríguez Parrilla emfazis, ke “ni defendos Kubon. Tiuj, kiuj konas nin, scias, ke ĉi tio estas firma, kategoria kaj pruvita engaĝiĝo.”
La respondo al la imperiaj minacoj de Trump eniri kaj detrui Kubon — ĉar li jam aplikis ĉiun eblan premon kaj damaĝon — estas la sama kiel tiu donita de Antonio Maceo: “Kiu ajn provos konkeri Kubon, kolektos la polvon de ĝia grundo trempita en sango, se li ne pereos en la lukto”; tiu donita de la Armea Generalo Raúl Castro Ruz: “La patrujo ne estas vendebla, ĝi estas defendata”; kaj tiu, kiun Fidel instruis al ni: “Kubo scios resti ekzemplo de Revolucio, kiu ne rezignas, kiu ne sin vendas, kiu ne kapitulacas, kiu ne surgenuiĝas.”
Fonto: PL
