La subskriboj de pli ol 6.230.000 kubanoj reasertis la engaĝiĝon de la insulo al paco, ĝian defendon de nacia suvereneco, kaj ĝian opozicion al la blokado kaj milito.
La anonco pri la fino de la procezo, gvidata de la kuba civila socio, okazis en la ĉeesto de la Armea Generalo Raúl Castro Ruz, gvidanto de la Kuba Revolucio, kaj Miguel Díaz-Canel Bermúdez, Unua Sekretario de la Centra Komitato de la Komunista Partio de Kubo kaj Prezidento de la Respubliko, meze de celebradoj tra la insulo por la Internacia Laborista Tago, la 1-an de majo, sub la slogano: “La Patrujon oni defendas”.
Ĉiujare, la insularo fariĝas tutmonda simbolo de la proletara celebrado kaj demonstraĵo de la rezisteco de la kariba nacio fronte al la intensigitaj minacoj kaj agreso de la usona imperiismo.
En la lasta semajno, pluraj grupoj, institucioj, reprezentantoj de la kuba civila socio kaj komunumoj aliĝis al la popola movado “Mia subskribo por la Patrujo”.
Fonto: ACN
