La Politika Buroo de la Komunista Partio de Kubo kunvokis kaj efektivigis eksterordinaran plenan sesion de sia Centra Komitato merkrede, ĉi- 17-an de junio 2026, kun la celo taksi proponojn por ekonomiaj kaj sociaj transformoj, kiel deklaris la unua sekretario de la Centra Komitato de la Partio kaj prezidento de la Respubliko, Miguel Díaz-Canel Bermúdez, en lastatempaj deklaroj al la gazetaro.
Post prezento fare de la ĉefministro Manuel Marrero, analizo kaj debato, la proponoj estis akceptitaj kiel bezono por eliri el la nuna kompleksa situacio kaŭzita de la usona blokado plurjardeka plus la akrigo de agresemo kaj naftoblokado.
“La realo devigas nin fari urĝajn kaj necesajn ŝanĝojn. Kaj kiam la vivoj de la homoj fariĝas tiel malfacilaj, la unua devo de la Komunista Partio kaj la revolucia registaro ne estas pli bone klarigi la krizon, sed ŝanĝi tion, kio bezonas esti ŝanĝita por superi ĝin,” deklaris Miguel Díaz-Canel Bermúdez, Unua Sekretario de la Centra Komitato de la Partio kaj Prezidento de la Respubliko, ĉi-merkrede, resumante la Eksterordinaran Plenon de la partia organizo.
“Necesas profunda kaj facilmova ekonomia tagordo, kiu povas esti efektivigita mallongtempe kaj kombinas makroekonomian stabiligon, instigojn por stimuli kaj antaŭenigi produktivan malfermon, juran certecon, allogon de investoj, intensan uzon de teknologio, kaj celitan kaj efikan socian protekton,” emfazis la prezidento.
