Nova sendaĵo de pli ol 1000 tunoj da helpo el Meksiko alvenis al la haveno de Havano ĉi-sabate. La alveno de la provizoj okazas meze de la plifortigo de la ekonomia blokado kaj la premoj, kiujn alfrontas la insulo.
Tagojn antaŭe, la loĝistikaj subtenŝipoj Papaloapan kaj Huasteco, apartenantaj al la Meksika Mararmeo, ekveturis el la haveno de Veracruz. La sendaĵo plenumas la instrukciojn de la prezidentino Claudia Sheinbaum, reasertante la ligojn de kunlaboro kaj solidareco inter la du nacioj.
La ŝipo Papaloapan portas 1 078 tunojn da faboj kaj laktopulvoro, dum la kargo de la Huasteco konsistas el 92 tunoj da faboj plus 23 tunoj da diversaj nutraĵoj.
Betsy Díaz Velázquez, Ministrino pri Enlanda Komerco, notis, ke ĉi tiu estas la tria sendaĵo de helpo kaj esprimis sian dankemon nome de la kuba registaro kaj popolo.
Fonto:R.Rebelde
