Havano, (RHK) La Kuba Nacia Elektro-kompanio (UNE) konfirmis hodiaŭ, ke ok termoelektraj centraloj (CTE) ekfunkciis kiel parto de la daŭra restarigo de la Nacia Elektro-Sistemo kaj post la dektria horo ĉiuj provincoj jam estis ligitaj al la sistemo.
En radiotelevida programo partoprenis la ministro de energio kaj minoj, Vicente La O Levy kaj Alfredo López la direktoro pri la elektra kompanio raportis pri la resaniĝa procezo, kun Unuo 3 de la Carlos Manuel de Céspedes CTE kaj la Nuevitas CTE nun funkciantaj; la motoroj de la Mariel CTE kaj ĝia Unuo 8; kaj Unuoj 1 kaj 3 en Santa Cruz.
Simile, la centraloj Energás Varadero kaj Boca de Jaruco, Unuo 6 en Diez de Octubre, kaj la Antonio Guiteras CTE ankaŭ estas raportitaj rete.
La ministro konfirmis ke la programo de la registaro por rekuperi la nacian elektrosistemon avancas tutlande kaj inkludas fotovoltajn parkojn, pliigon de produktado de nacia petrolo, akumuladon de energioj kaj aliaj energifontoj.
