Sur ĉi tiu tero estas io, kio meritas vivi: sur ĉi tiu tero estas la Sinjorino de la Tero, la Patrino de Komencoj, la Patrino de Finoj. Ŝia nomo estis Palestino. Ĝi ankoraŭ nomiĝas Palestino. Sinjorino: Mi meritas, ĉar vi estas mia Sinjorino, mi meritas vivi.
Mahmud Darwish, Poeto Nacia de Palestino
La 29n de novembro, la mondo memoras unu plian fojon la internacian tagon de solidareco al la palestina popolo, dato, kiu invitas al cerbumado pri la situacio de tiu popolo markita konfliktoj, forpeloj, ekstermado kaj la batalo por memdetermino.
Tiu ĉi tago establita de UN en 1977, fariĝis jara agotago por konsciigi la homojn pri la malfacilaj vivkondiĉoj alfrontataj de palestinanoj kaj puŝi konkretajn agojn al paco kaj justico.
La 29an de novembro de la jaro 1947 la ĝenerala asembleo de UN aprobis la rezolucion 181 konata kiel la “rezolucio de la partigo”, kiu establis la kreadon de juda kaj araba ŝtatoj en Palestino kun Jerusalemo kiel aparta korpuso sub speciala internacia reĝimo. Sed ĝis nun la palestina ŝtato ne estis kreita, kaj ĝuste tia kreado estas postulata kaj de palestinanoj kaj de UN mem.
Bedaŭrinde, en 2025 la mondo spertas kiel tiu ĉi situacio restas sensolva kaj oni travivas nun etapon de malfortega interkonsento pri fajrohalto, kiu estas ĉiutage perfortata, ankaŭ etendita al Cisjordanio. Daŭras mortigado de palestinanoj kaj arbitraj enkarcerigoj kaj humanitara krizo akriĝas.
Pro tio, en tiu ĉi internacia tago de solidareco al la palestina popolo, la mondo denove postulas kaj manifestacias por la rajto de la palestina popolo vivi pace kun justico en propra ŝtato suverena laŭ la aprobita UN-rezolucio. Ili ankaŭ rajtas vivi.
