Havano, mar 19 (RHK) La IV-a Internacia Kolokvo Patria, kiu kunvenigas ĉirkaŭ 400 delegitojn el preskaŭ 50 landoj, finiĝas hodiaŭ en ĉi tiu ĉefurbo post tri tagoj da debatoj pri la efiko de teknologio en la komunika kampo.

Kadre de la ĉi-merkreda tagordo elstaras la konferenco "Reprogramado de la reto: amaskomunikilaj strategioj por mildigi polusiĝon kaj malamparoladon en ciferecaj medioj", gvidata de prelegantoj el Brazilo, Hispanio kaj Venezuelo.

Same, komunikiloj kaj ĵurnalistoj el la lando Bolívar, Argentino kaj Bolivio parolos pri la temo “Teknologioj por emancipiĝo: alternativa komunikado kaj informa suvereneco en la Tutmonda Sudo.

La evento, kiu baziĝas en la Universitato de Havano, debatos ankaŭ formojn de amaskomunikila kontraŭhegemonio, kaj ankaŭ la strategiojn de evolulandoj kontraŭ la informa dominado de Okcidento.

Laŭ la organizantoj, kvar aliaj prezentoj kompletigos la ampleksan programon de prezentoj de la evento, kiu finiĝos per Fina Deklaro pri la bezono de pli granda kunordigo de la kontraŭhegemoniaj amaskomunikiloj de la mondo.

Antaŭtage, inter la preskaŭ dekoj da diskutrondoj kaj prelegoj ĉe Patria, elstaris la venezuela propono pri manlibro kontraŭ la amaskomunikila milito pri cifereca manipulado kaj la kultura batalo de la 21-a jarcento. Konceptita sub la strategia vizio de la prezidanto de tiu nacio, Nicolás Maduro, la metodo disponigas manierojn organizi la revoluciajn fortojn por venki la defiojn, kiujn la homoj de la latin-amerika kaj kariba regiono alfrontas en la komunikadokampo.

La dokumento elpensita kiel "Stratoj, retoj, amaskomunikiloj, muroj kaj radio-bembo" artikulas popolan komunikadon sur ĉiuj siaj niveloj, de rekta kontakto en la stratoj ĝis la serĉo de vero en ciferecaj retoj kaj la reakiro de publika spaco.

Fonto: PL