La Unua Sekretario de la Centra Komitato de la Komunista Partio kaj Prezidento de la Respubliko, Miguel Díaz-Canel Bermúdez, renkontiĝis kun gvidantoj de internaciaj ekumenaj organizaĵoj, kiuj plenumas pastran viziton al Kubo kiel montro de solidareco kaj subteno al la laboro de la eklezioj kaj la kuba popolo.
La pastra vizito okazas dum la celebradoj de la Sankta Semajno kaj estis organizita de la Kuba Konsilio de Eklezioj kaj la Reformita Presbiteriana Eklezio.
“Estas plezuro akcepti gvidantojn de la tutmonda ekumena movado en tia tempo. Ni tre dankas vin pro via ĉeesto ĉi tie, kiu reasertas, ke Kubo ne estas sola,” diris al ili la kuba ŝtatestro dum la renkontiĝo, kiu daŭris iom pli ol horon kaj okazis en la Kongresa Palaco. Ĉi tiu renkontiĝo estis parto de okupata horaro dum ĉi tiu pastra vizito, konsiderata historia.
“Dankon multege pro via ĉeesto kaj akompanado, pro la mesaĝo de paco kaj profunda kredo, per kiu vi akompanas nin. Kaj bonvolu daŭre preĝi por ni,” finis la Unua Sekretario de la Centra Komitato de la Partio.
Potenca preĝo por paco kaj la rezisteco de la kuba popolo sigelis la kunvenon kun internaciaj ekumenaj gvidantoj, reaserto, ke amo kaj solidareco ĉiam devas superregi.
La viziton de la internacia ekumena delegacio organizis la Ĝenerala Sekretario de la Monda Komuneco de Reformitaj Eklezioj, kiu kunigis la ĝeneralajn sekretariojn de la Monda Konsilio de Eklezioj, la Anglikana Komunio, la Monda Metodista Konsilio, la Presbiteriana Eklezio (Usono) kaj la Unuiĝinta Eklezio de Kanado.
Demetrio Villaurrutia
