De Guillermo Alvarado
La senĉesa ĉasado de la Trump-registaro kontraŭ la migranta loĝantaro, kie troa perforto estas konstanta, celante senpaperulojn same kiel tiujn kun laŭleĝa statuso en la lando, elĉerpis la paciencon de la popolo.
La troaj agoj de policaj fortoj videblas en preskaŭ ĉiu angulo de Usono, kvankam en iuj lokoj ĝi estas aparte troa, kiel okazis lastan semajnon en Los-Anĝeleso, Kalifornio.
En ĉi tiu urbo kun preskaŭ 4 milionoj da loĝantoj, el kiuj 48% estas latinamerikanaj, la ĉagreno atingis tian nivelon, ke grupoj komencis protesti kontraŭ la atakoj kaj paroli por subteni la kaptitajn.
Centoj da homoj partoprenis la protestojn, kaj la kolizioj ne estis gravaj, sed la misproporcia respondo de la federacia registaro povus ekbruligi tre grandan fajron, kiun estus malfacile estingi.
Fidela al sia bombasta stilo, Trump nomis la okazaĵojn ribelo kaj deplojis 2 000 soldatojn de la Nacia Gvardio al la loko.
Sed, li faris pli ol tion. Inter la membroj de la gvardio, kiu estas konata kiel konsistanta el civiluloj kun trejnado pri tumultkontrolo, li ankaŭ inkluzivis membrojn de la 79-a Infanteria Brigado Batalteamo, trejnitaj ne por disigi tumultojn, sed por armita batalo.
Eĉ pli malbone, la usona Sekretario pri Defendo Pete Hegshet certigis, ke la marsoldatoj estas en alta alarmo, pretaj deplojiĝi al Los-Anĝeleso en kazo ke la Nacia Gvardio ne povos konservi kontrolon.
Trump afiŝis troan kaj maltrankviligan mesaĝon en sia socia reto Truth, dirante: "Ni disbatos la MALTRANKVILIGANTOJN KAJ RABISTOJN laŭ la maniero, kiel ĝi devus esti solvita!!!" La majuskloj kaj krisignoj estas metitaj de Trump.
Kaj ĉi tie mi atentigas pri unu aparta punkto, kiu iras multe pli ol simpla detalo: la prezidento ne parolas pri komandado kaj uzado de forto kontraŭ alia lando, en iu fora loko.
Ne, li parolas pri uzo de forto kontraŭ civitanoj de Usono, kiuj estas liaj samcivitanoj kaj vivas sur lia sama teritorio.
Kiel diris la guberniestro de Kalifornio, Gavin Newsom, alvoki la Nacian Gvardion estis intence incitiga, kaj minaci deploji marsoldatojn sur usonan grundon estas freneza konduto, sed kion alian, miaj amikoj, vi povus atendi?
