Havano, maj 1 (RHK) Membroj de la 18-a Internacia Brigado Unua de Majo de Volontula Laboro kaj Solidareco kun Kubo vizitis plurajn ŝtatajn kaj sociajn instituciojn en Havano.

Alveninte al la kariba insulo, la brigadanoj el 16 landoj faris multnombrajn trairojn por ekscii pri la sekvoj de la ekonomia blokado trudita de la Blanka Domo al la kuba popolo.

Dum sia vizito ĉi-merkrede, brigadanoj el Usono kaj Germanio alvenis al la Azumat Loĝistika Kompanio.

Tiu ĉi organizo estis agnoskita kiel Nacia Avangardo pro "ĝiaj favoraj rezultoj en la plenumado de siaj misioj, malgraŭ la nuna situacio en la lando", diris Ulises Guilarte, ĝenerala sekretario de la Centra Sindikato de Kubaj Laboristoj (CTC).

En ekskluziva intervjuo kun la informagentejo Prensa Latina, José R. Martínez, Direktoro de Informoj kaj Komunikadoj de la firmao, deklaris ke  ĝi celas plibonigi kaj progresigi la efektivigon de siaj Strategiaj Evoluaj Programoj; Tial "ĉi tiu distingo estas pli ol atingo, ĝi signifas devontigon kaj ŝancon."

La direktoroj de la institucio, kies socia celo estas surmerkatigi kaj distribui produktojn kaj provizojn al la tuta kuba sukerindustrio, partoprenis en alia renkontiĝo kun eksterlandaj vizitantoj, kie ili klarigis ĝian funkciadon kaj respondis demandojn pri temoj kiel ĝiaj internaj politikoj kaj salajra sistemo.

En la evento, Guilarte emfazis al la delegacio la bezonon de kunlaboro kaj subteno inter landoj, la rezistemon de la kuba popolo fronte al la plifortiĝo de ekonomiaj kontraŭleĝaj sankcioj truditaj de Usono, kaj ripetis la inviton partopreni en la Parado de la Majo en Kubo.

Aliaj delegacioj de la internaciisma brigado faris agadojn, kiuj inkluzivis vizitojn al aliaj kompanioj situantaj en tiu ĉi ĉefurbo, kiel la Kuba Internacia Asekura Kompanio S.A. kaj la Kompanio de Nutraĵoj Prodal.

La pli ol 300 brigadanoj plilongigos sian restadon sur la kariba insulo ĝis la 16-a de majo.

Fonto: PL