Foto: PL

Havano, maj 9 (RHK) La sekretario pri Organizo de la Kuba Komunista Partio, Roberto Morales Ojeda, renkontiĝis ĵaŭde kun Liu Jie, guberniestro de la ĉina provinco Zhejiang, kun kiu li diskutis pri duflankaj interesoj kaj aferoj de tutmonda graveco.

Raporto de la politika organizo konstatas, ke la renkontiĝo "akcentigis la gravecon plifortigi la ekonomian kunlaboron kaj la ĝemelan interkonsenton" inter tiu orienta ĉina regiono kaj la okcidenta provinco Matanzas, "kiu festas sian 25-an datrevenon".

Ambaŭ teritorioj aktive kunlaboras en diversaj sektoroj, kiel pruvis la subskribo de memorando de kompreno la pasintan aprilon inter la Provinca Kirurgia Instrua Hospitalo Faustino Pérez kaj la Provinca Hospitalo de Tradicia Ĉina Medicino de Zhejiang.

Jie difinis la rilaton inter Kubo kaj Ĉinio kiel "tiu de du bonaj amikoj, kiuj pripensas la eblecon antaŭeniri kune."

Morales Ojeda, dume, deklaris, ke "ĉiu renkontiĝo inter la du nacioj estas kialo por daŭre solidigi konsenton" inter la prezidentoj kaj partiestroj de la insulo, Miguel Díaz-Canel, kaj la azia nacio, Xi Jinping.

"La guberniestro de Zhejiang ankaŭ memoris, ke Díaz-Canel kaj Jinping diskutis la eblecon antaŭeniri kun starigo de komunumo de komuna estonteco," aldonis la deklaro.

Li ankaŭ deklaris ke Morales Ojeda reasertis la deziron plifirmigi inter-partiajn rilatojn kiel la "bazoŝtono en la ekonomia, komerca, kaj financaj sferoj."

Fonto: PL