Inés María Chapman y Sara Aagesen
Havano, jul 1 (RHK) La tria vicprezidento de Hispanio, Sara Aagesen, renkontiĝis hodiaŭ ĉe la Kongresa kaj Ekspozicia Centro kun la vicĉefministro de Kubo, Inés María Chapman, rilate al la Konferenco pri Financado por Disvolviĝo (FFD4).
En amika renkontiĝo, ambaŭ partioj esprimis intereson pri kunlaboro pri klimata ŝanĝo, precipe en areoj kiel akvo kaj traktado de severaj veteraj eventoj, interalie.
Aagesen, kiu estas ministrino pri ekologia transiro kaj demografia defio, laŭdis la ĉeeston de Kubo ĉe la kunveno de Sevilo, kiu kunigas pli ol 170 landojn de Unuiĝintaj Nacioj.
Ankaŭ partoprenis la interŝanĝon Ana Silvia Rodríguez, vicdirektoro ĝenerala por multflankaj aferoj kaj internacia juro ĉe la kuba ministerio pri eksterlandaj aferoj, kaj Indira Groero, la aferŝarĝito de Kubo en Hispanio.
Antaŭe, Inés Marís Chapman alvokis en sia parolado ĉe la plena kunsido de FFD4 la finon de unupartiaj trudaj reguloj, kiuj malhelpas la disvolviĝon de la koncernaj landoj, kiel ekzemple "la maljusta kaj kontraŭleĝa usona blokado".
Fonto: PL
