Per du grandaj koncertoj en la fortreso de Sankta Karlo de La Cabaña kaj la teatro Mella de Havano dum la 22-a kaj 23-a de februaro, la japana ambasadejo ĉi-urbe festos la 400 jarojn de amikaj rilatoj al Kubo.
La japana triopo Hogaka Yakuta Oyama, formita de talentaj junaj muzikistoj de tradiciaj kaj originaj instrumentoj japanaj, sin prezentos en la malnova urba placo Sankta Francisko, kune kun la kuba ensemblo de David Álvarez.
La japanaj artistoj ofertos senpagan prezenton ankaŭ en la havana teatro Mella kie ili interpretos, interalie,  latinamerikan muzikon aranĝitan por tiu ĉi speciala evento.
En tiu ĉi jaro oni rememoras la alvenon en 1814, de la samurajo Hasekura Tsunenaga gvidanta diplomatian mision survoje al Romo,  por starigi rilatojn kun Meksiko kaj renkontiĝi kun la Papo en Vatikanurbo.
Okaze de la XXIII-a internacia librofoiro Kubo 2014, Japanio havas standon kie ekspozicias  librojn kaj realigas plurajn aranĝojn kun la publiko, kiel ateliero pri origamio kaj pri la uzo de tradiciaj kostumoj.