Londono, jan 19 (RHK) La nederlanda banko ING blokis donacojn al delegacio de la Progresema Internacia, kiu vojaĝos al Havano por subteni senpagan aliron al vakcinoj kontraŭ Kovim-19 promociitaj de Kubo, estis malkaŝite ĉi tie hodiaŭ.

En deklaro sendita ĉi-merkredon al Prensa Latina, la organizo, kiu kunvenigas maldekstrajn aktivulojn el la tuta mondo, denuncis, ke la multnacia banka institucio kun sidejo en Nederlando kliniĝis antaŭ la ekonomia, financa kaj komerca blokado trudata de Usono kontraŭ la insulo kariba dum 60 jaroj.

La teksto aldonas, ke la decido farita de ING montras la eksterteritorian amplekson de la unuflanka regulo trudita de Vaŝingtono, kiu celas, ĝi diris, ne nur sufoki Kubon, sed ankaŭ malhelpi la internacian solidarecon kun tiu lando.

Post nomi la decidon de la nederlanda banko skandala, la organizo memorigis, ke dum eŭropaj landoj administras plifortigajn dozojn, la plimulto de la loĝantoj de la plej malriĉaj nacioj de la planedo eĉ ne ricevis injekton kontraŭ la kronaviruso SARS-CoV-2.

Fronte al ĉi tiu vakcina apartigo, Kubo aperas kiel movforto malantaŭ internaciismo kun sia promeso kunhavigi siajn vakcinojn kun la mondo, li aldonis.

Antaŭ semajnoj, la Progresema Internacia lanĉis monkolektan kampanjon por financi la vojaĝon al Havano de delegacio, kiu organizos specialan informan kunsidon pri la klopodoj faritaj de la kariba insulo por produkti siajn proprajn vakcinojn kontraŭ Kovim-19, kaj la deziron dividi ilin kun la mondo.

Malgraŭ la blokado de donacoj fare de la ING-banko, proparolanto de la organizo certigis al informagentejo Prensa Latina, ke la planoj festi la kunvenon en la kuba ĉefurbo restas senŝanĝaj.

En la evento planita por la venonta 25-a de januaro, kaj kiu estas parto de la Unio por Vakcina Internaciismo promociita de la Progresema Internacio, partoprenos kubaj sciencistoj, ministroj kaj oficistoj de publika sano.

Fonto:PL