Foto: @BrunoRguezP
Havano, jul 25 (RHK) La kuba ministro pri eksterlandaj aferoj Bruno Rodríguez ĵaŭde priskribis la mesaĝojn de la usona Ŝtata Departemento en ciferecaj amaskomunikiloj kiel mensogojn, senrespektajn kaj nerespondecajn.
Rodriguez emfazis, ke la mesaĝoj en sociaj retoj "montras la frustriĝon de kontraŭkubaj sektoroj pro ilia malhoma agreso kontraŭ la kuba popolo."
La kuba ministro pri eksterlandaj aferoj deklaris en X, ke ĉi tiuj sektoroj, senigitaj je subteno de la vasta plimulto de usonanoj, kubanoj kaj la internacia komunumo, malespere serĉas impostpagantajn fondusojn por krei provokojn kaj trudi kurson de nepravigebla duflanka konflikto.
En la lastaj tagoj, la kuba prezidaeto Miguel Díaz-Canel kondamnis la provojn de la usona registaro subigi Kubon per ekonomiaj sufokaj decidoj, kiuj damaĝas la loĝantaron.
Ekde la unua oficperiodo de Donald Trump (2017-2021), la nuna respublikana administrado klopodis fermi ĉiujn vojojn por aliro al esenca financado por la normala funkciado de la ekonomio, asertis Díaz-Canel antaŭ la Nacia Asembleo de Popola Povo.
La registaro de Donald Trump publike deklaris, per prezidenta memorando pri Nacia Sekureco, sian intencon intensigi "la brutalan sieĝon kombine kun la neakceptebla inkludo de Kubo en la liston de supozeblaj sponsoroj de terorismo", li deklaris.
Fonto: PL
