Havano, 4 apr (RHK) La kuba prezidento Miguel Díaz-Canel, akceptas hodiaŭ sian homologon de Ganao, Nana Addo Dankwa Akufo-Addo, kiu plenumas oficialan laborviziton en la insulo kun la celo fortigi la reciprokajn rilatojn.
Antaŭ ol renkontiĝi, la afrika ŝtatestro honoros la nacian heroon kuban José Martí, en la memorialo samnoma en la Placo de la Revolucio.
Díaz-Canel antaŭsciigis per la socia retejo Twitter pri la hodiaŭa kunsido kaj elstarigis ke Ganao estis la unua lando de la sudsahara Afriko, kiu starigis diplomatiajn rilatojn kun Kubo.
La vizitanto ankaŭ renkontiĝos kun la prezidanto de la nacia asembleo, Esteban Lazo kaj prelegos en la Aŭlo de la Havana Universitato.
La rilatoj inter ambaŭ landoj plenumos ses jardekojn kaj havas sian plej altan esprimon en sektoroj kiel sano, edukado, agrikulturo kaj sporto.
