Havano, dec 14 (RHK) La XXa Pintkunveno ALBA-TCP finiĝis kun la adopto de politikaj interkonsentoj kaj agadplano, kiu subtenas ĝian sendependan kurson, por integriĝo kaj kontraŭ la enmiksiĝo de Usono.

Estis la konsento atingita en ĉi tiu ĉefurbo de la unuaj gvidantoj kaj reprezentantoj de la 10 nacioj, kiuj donas vivon al la Bolivara Alternativo por la Popoloj de Nia Ameriko-Komerca Interkonsento (ALBA-TCP).

ALBA-TCP estas la alternativo kontraŭ la nova ekonomia koloniismo, diras la fina deklaro sintezita de la kuba prezidento Miguel Díaz-Canel.

La deklaro malakceptis tion, kion ĝi priskribis kiel "provojn de imperiismo konfuzi niajn popolojn" kaj kondamni ilin per unuflankaj trudaj rimedoj, emfazis la prezidento.

La Deklaro de Havano dankis Kubon pro ĝia kontribuo al aliaj popoloj kaj malakceptis la blokadon de Vaŝingtono kontraŭ la plej granda el Antiloj kaj ĝian inkludon en unupartian liston de Usono sub terorismaj akuzoj.

Ni denuncas la mensogojn de imperiismo, kiu predikas pacon kaj praktikas militon, emfazas la teksto, kiu ankaŭ simpatias kun Venezuelo, Nikaragvo kaj Bolivio.

Klimata ŝanĝo, elmigrado, la strategio post-Kovim-19, selektema protektismo estas inter la temoj pri kiuj la mekanismo proponas pluen antaŭeniri.

Ĝi ankaŭ esprimas la ripetitan sindevontigon de Kubo kunlabori kun la membrolandoj de la bloko, precipe en la vakcinado kontraŭ la kronaviruso.

ALBA-TCP konsistas el 10 latin-amerikaj kaj karibaj landoj: Kubo, Venezuelo, Bolivio, Nikaragvo, Dominiko, Sankta Vincento kaj Grenadinoj, Antigvo kaj Barbudo, Sankt-Kito kaj Neviso, Sankta Lucio kaj Grenado.

La prezidentoj de Venezuelo, Nikaragvo kaj Bolivio, Nicolás Maduro, Daniel Ortega kaj Luis Arce, respektive, partoprenis en la konklavo. Ankaŭ la Ĉefministro de Grenado, Keith Mitchell kaj de Sankta Vincento kaj Grenadinoj, Ralph Gonsalves. 

Fonto: PL

...