Radio Havano Kubo en Esperanto jubileas! La 11-an de septembro la Esperanto-elsendoj de Radio Havano fariĝas 30-jaraj. Ĝuste por solene festi tiun ĉi okazaĵon, marde la 11-an de septembro nia teamo partoprenos vivan elsendon radian kaj fejsbukan inter la 15.00-17.00 horo laŭ UTC.
Ni invitas ĉiujn interesitojn, radioaŭskultantojn kaj simpatiantojn al kunfestado de la 30-a jubileo de la esperantlingvaj elsendoj. Ĝi estas unikaĵo en nia regiono kaj ankaŭ en la internacia esperanto-movado.
Apartan saluton ni transdonas al ĉiuj geaŭskultantoj kaj fidelaj raportantoj kiuj regule subtenas nian agadon. Al ĉiuj ni esprimas dankon kaj altan estimon.
