Radio Havano Kubo

Amika voĉo kiu trairas la mondon

  • sekvu nin

#NoMasBloqueo #SolidaridadVsBloqueo

Denuncas Kubo la subfosan agadon desegnitan de Usono.

Artikolo aperigita en la gazeto Granma sub la titolo “Ne nur estas Zunzuneo” pritraktas la manieron en kiu Usono utiligas la novajn teknologiojn en sia subfosa agado kontraŭ la insulo.
Depost kvalifiki la sekretan projekton Zunzuneo de antaŭnelonge malkaŝita de la informagentejo AP kiel unu el la variantoj de la nomataj mildaj puĉoj, la gazeto emfazas ke tiu programo ne estas la sola de tiu speco desegnita de la usona registaro kontraŭ Kubo.
Laŭ klarigas la gazeto Granma, la milionaj fondusoj de la Programo Kubo de la usona agentejo USAID estis destinitaj por similaj iniciatoj kiel “Conmotion”, ilo evoluigita de la instituto de teknologio malferma (OTI) de la New America Foundation kies sidejo estas en Washington, origine por milita uzo, kiu konsistas en la kreado de sendrataj retoj sendependaj en formo de “teksaĵo” por ligi sin kun la ekstero, preter kiu ajn kontrolo registara, kio ebligas misinformi la uzantojn pri la situacio enlanda kaj kunvoki ilin al manifestacioj.
La oficiala organo de la komunista partio ankaŭ pritraktas aliajn instituciojn de la usona registaro, kiel la oficejo de transmisioj al Kubo, kiu starigas kontraŭleĝajn projektojn kiel “Piramideo”, kiu estas ankaŭ platformo de komunikado puŝanta sendadon de amasaj mesaĝoj al uzantoj en nia lando.    
Al tiaspecaj iniciatoj, precizigas la gazeto, kaj al la stacioj Radio kaj TV “Martí”, la registaro de Obama disponigis 142 milionojn da dolaroj de la federacia buĝeto, kaj pli ol 770 milionoj da dolaraj ekde ties kreado.
Laŭ la artikolo de la gazeto, la registaro de Usono “same plene subtenas la projekton de la blogistino kontraŭrevolucia Yoani Sánchez, krei ciferecan komunikilon, kiu estas komplete financita per mono devenanta de eksterlando kaj celas esence nutri la kampanjojn misinformajn kaj misfamigajn  kontraŭ la insulo.
Krom nombri kelkajn agadojn kontraŭ Kubo, kiuj malkaŝas la duoblan moralon  de la registaro usona- kiu certigas ke la promociado de tiaspecaj projektoj kontraŭ la insulo celas “faciligi la liberan informofluon al la kuba popolo”- , la gazeto konkludas la jenon:
“Kubo ne toleros ajnan  specon de subfosa agado nek enmiksiĝon en siaj  internaj aferoj, kaj kiel suverena lando daŭrigos defendante sin kaj denuncante la enmiksiĝan naturon de tiuj programoj.”
 
Eldonita de Maritza Gutierres González
Komentarioj
lasu komentarion
  • Esperanto 10-12-17
  • Esperanto 03-12-17
  • Esperanto 26-11-17
  • Esperanto 19-11-17
  • Esperanto 12-11-17
  • Esperanto 05-11-17
vizitkalkulilo

4095899

  • maxima: 19729
  • yesterday: 4363
  • today: 4336
  • online: 186
  • total: 4095899