Havano, 20 maj (RHK) La unua vicministro kaj ministro pri eksteraj rilatoj de Vjetnamio, Pham Binh Minh, vizitas Kubon kiel parto de oficiala laborprogramo.
Dum sia restado en la kuba ĉefurbo, la vjetnama ministro dialogos kun sia kuba homologo Bruno Rodríguez Parrilla, kaj ankaŭ renkontiĝos kun la prezidanto de la insula parlamento, Esteban Lazo kaj aliaj gvidantoj.
La vizito de la vjetnama diplomato al Kubo, daŭros du tagojn, kaj ĝi donas kontinuecon al la konstantaj interŝanĝoj de delegitaroj altnivelaj inter la du landoj dum la lastaj jaroj.
