Per siaj vakcinoj, la kuba scienco savis la nacion

Ministra konsilantaro

Havano,  okt 22 (RHK) Ĉiutage la epidemiologia situacio en Kubo iĝas  pli bona,  diris la Prezidento, Miguel Díaz-Canel, danke al  sindevontigo kaj agado de la kuba sansistemo kaj la kontribuo de la scienco kaj novigo.

Niaj sciencistoj per siaj vakcinoj - sen troigo - kontribuis al savo de la lando, diris la prezidento kiam li prezidis la plej lastan kunvenon de la ministra konsilantaro, gvidata de la ĉefministro, Manuel Marrero Cruz.

Evidentiĝas la rezultoj de la imuniga kampanjo kaj la efikeco de la vakcinoj, kiuj komencis esti aplikataj en tre malfacilaj kondiĉoj, kun alta cirkulado de la Delta-varianto,  esprimis la unua sekretario de la Centra Komitato de la Komunista Partio.

En la lastaj semajnoj, li memorigis, ni konservis stabilan malkreskon en la nombro de ĉiutagaj kazoj, la mortintoj, la enlasitaj pacientoj kaj la aktivaj kazoj, en ciferoj, kiuj malproksimiĝis en la tempo.

Vakcinoj montris unu el la potencialoj de la Revolucio, ili honoris la vizian pensadon de la Ĉefkomandanto kaj la daŭrigon, kiun la Armea Generalo poste donis al ĝi, kiam li proponis konverti tiun tutan Sciencan Poluson en fortikan komercan sistemon. "

Kun ilia pruvita alta efikeco, vakcinoj fariĝis sento de nacia fiero, asertis Diaz-Canel antaŭ la plej alta instanco de la kuba registaro. Ili helpis nin atingi novan normalecon, kiu nun permesas al ni reaktivigi nian ekonomian agadon, kaj ŝtatan kaj privatan.

Ni parolas, li precizigis, pri malfermo de turismo, pri normaligo de kubaj vojaĝoj; kaj la ebloj eksporti vakcinojn kaj servojn, tiel pliigante la enspezajn nivelojn de la lando, post kiam preskaŭ ĉiuj financaj fontoj estis fortranĉitaj dum pli ol jaro.
 

Eldonita de Maritza Gutiérrez González



Komentarioj


Lasu komentarion
Ĉiuj kampoj bezonatas
Ne estos publikigita
captcha challenge
up