Havano, okt 7 (RHK) La prezidento de Kubo, Miguel Díaz-Canel, ĉi-sabate gratulis sian rusan ekvivalenton Vladimir Putin okaze de lia 71-a naskiĝtago.

Kun la sincera korinklino de tiuj, kiuj sentis la valoron de via amikeco en malfacilaj tempoj por Kubo, mi volas gratuli kaj deziri sanon je la naskiĝtago de la prezidento de la Rusa Federacio, mia amiko Vladimir Putin, la kuba prezidento skribis en la socia. reto X.

Havano kaj Moskvo konservas historiajn rilatojn de amikeco kaj kunlaboro en diversaj kampoj, kiel la ekonomio, energio, transporto, industrio, farmaciaĵo, inter aliaj, forĝitaj surbaze de reciproka respekto, ekde la tempo de Sovetunio.

La slava lando faris humanajn kontribuojn de nutraĵoj, medikamentoj, provizoj kaj ekipaĵoj, antaŭ epidemiaj eventoj, klimataj katastrofoj kaj aliaj kompleksaj situacioj, kaj akompanas la postulon de Kubo por la fino de la ekonomia, komerca kaj financa blokado de Usono.

Siaflanke Kubo kondamnis kaj malakceptas la ekspansion de la Nordatlantika Traktato Organizo (NATO) al la landlimoj kun Rusio, same kiel la rimedojn kaj sankciojn, kiuj estas aplikataj kiel metodo de trudado kontraŭ tiu lando.

Fonto: PL