Gratulojn al Papo Leo XIV

Havano, maj 9 (RHK) La gvidanto de la Kuba Revolucio, generalo de la armeo Raúl Castro Ruz, kaj la unua sekretario de la Centra Komitato de la Komunista Partio de Kubo kaj Prezidento de la Respubliko, Miguel Díaz-Canel, sendis ĉi-ĵaŭdon gratulajn mesaĝojn al Lia Sankteco Leo XIV, Supera Pontifiko de la Romkatolika Apostola Eklezio.

La Papo estis elektita  en la kvara voĉdonado en la Konklavo, procezo kiu komenciĝis antaŭtage en la Sikstina Kapelo ĉe Vatikano.

"Mi fidas, ke via pontifikado faros esencan kontribuon al paco kaj dialogo", diris Raúl, kaj aldonis, ke "Kubo daŭre plifortigos siajn pozitivajn rilatojn kun la Sankta Seĝo".

"Bonvolu akcepti mian plej altan respekton kaj estimon", finis sian mesaĝon de gratulo al Lia Sankteco Leo XIV.

Dume, Díaz-Canel deklaris en apartaj mesaĝoj per WhatsApp kaj Telegram: "Ni kundividas la deziron antaŭenigi dialogon kaj pacon."

Li ankaŭ deklaris, ke la insulo daŭre laboros por plifortigi "rilatojn inter Kubo kaj la Sankta Seĝo", kiuj festos sian 90-an datrevenon en 2025.

Siaflanke, la kuba ministro pri eksteraj aferoj Bruno Rodríguez salutis la unuan usonan Papon.

"Ni aliĝas al gratulo al Lia Sankteco Papo Leono la 14-a pro lia lastatempa elekto," skribis la Kanceliero en la socia reto X.

"Ni ripetas la volon de la kuba registaro daŭre plifortigi la pozitivajn rilatojn inter Kubo kaj la Sankta Seĝo", li aldonis.

Fontoj: CubaMinrex kaj PL