Foto: PL

Havano, maj 12 (RHK) Kubo pretas havi konstruan kaj respekteman rilaton kun Usono, kaj ni ne vidas kialon, kial la nuna prezidento, Donald Trump, kontraŭus fari tion, diris la vicministro pri eksteraj aferoj Carlos Fernández de Cossío.

En intervjuo elsendita hieraŭ nokte en la Kanalo 14 de meksika televido, la vicministro pri eksteraj aferoj rimarkigis, ke, nature, "ĝi implicus devi rekoni, ke Kubo ja estas suverena ŝtato" kun la rajtoj kaj prerogativoj de memdeterminado.

"Se Usono estus kapabla nur fari tion, mi kredas, ke povus ekzisti rilato, kaj se ĝi estus kapabla trakti tion, kion mi nomus strategiaj interesoj, kiuj vere koncernas la tutan  Union, la socion de Usono", li diris.

Li aludis la ekziston de homoj, kiuj faris politikajn karierojn kaj riĉigis sin per malamikeco al la insulo, sed "tio ne nepre reprezentas la senton" de la tiea kuba komunumo, nek de la plimulto de la usona socio.

La vickanceliero esprimis sian konvinkon, ke se la plimulto de la popolo de tiu nordamerika nacio estus ĝuste informita kaj plene konscia pri la naturo de la politiko de la tiu registaro al Kubo kaj la damaĝo, kiun ĝi kaŭzas al la loĝantaro, ili malkaŝe kontraŭstarus ĝin.

Koncerne la sintenon de la Trump-administrado rilate al la insulo, li rimarkis la ĉeeston de grava influo de kontraŭ-kubaj sektoroj, kaj kvankam ne estis malferma anonco, deklarita, ili jam ekagis.

Inter tiuj agoj, krom la strikta konservado de la ekonomia, komerca kaj financa blokado trudita de Vaŝingtono, estas la re-inkludo de la plej granda el Antiloj en la unuflanka listo de ŝtatoj kiuj supozeble sponsoras terorismon.

En alia punkto de la konversacio, Fernández de Cossío menciis la agresemon al la insulo de la nuna usona ŝtatsekretario, Marco Rubio.

"Ni ne scias kion li povus pensi, ni ne vere scias kian nivelon de aŭtoritato li havas en la registaro, nek kiel li respondus al decido de la prezidento koncerne nian landon," li diris.

"Sed Kubo," li asertis, "ne havas limojn pri interagado kun iu ajn reprezentanta la usonan registaron, kondiĉe ke ĝi estas dialogo, respektema interŝanĝo en kiu ni klare esprimas niajn poziciojn."

Li reasertis, ke lia lando ne petas de Usono monon, molajn pruntojn, donacojn aŭ preferan komercan traktadon, sed prefere ion tre simplan.

"Ni estu traktataj  kiaj ni estas: plene suverena ŝtato, kun la kapablo kaj memdetermino konstrui propran estontecon tiel kiel ni volas ĝin, ne kiel la regantoj de Usono volas ĝin", li emfazis.

"Tio ne estas tro peti," li deklaris, "kaj tiel Kubo rilatas al la resto de la mondo, la escepto estas Usono."

Fonto: PL