Havano, maj 14 (RHK) La kuba ministro pri eksteraj aferoj Bruno Rodríguez denuncis la duoblajn normojn de Usono en la refoja decido inkluzivi la insulon en la liston de landoj, kiuj ne kunlaboras kontraŭ terorismo, kion li priskribis kiel "fraŭda".
Per la socia reto X, Rodríguez atentigis, ke usona ŝtata sekretario Marco Rubio — konata pro mensogo por pravigi siajn rimedojn kontraŭ la kuba popolo — ordonis reenigi Kubon en la liston de landoj, kiuj ne kunlaboras kun kontraŭterorismaj klopodoj de Usono.
La ministro memoris, ke "en 2024, spionaj agentejoj en tiu lando prezentis pruvojn kontraŭe."
Rodríguez ankaŭ pridubis la malsukceson de la usona registaro ekagi kontraŭ tiuj kiuj organizas, financas kaj faras teroristajn atakojn kontraŭ Kubo senpune ene de Usono.
La ministro pri eksteraj aferoj ripetis, ke la duoblaj normoj de la Vaŝingtona registaro estas "vaste rekonitaj" kaj priskribis ĝin kiel "la landon de unuflankaj, arbitraj kaj fraŭdaj listoj".
Li ankaŭ sugestis ke Vaŝingtono povus krei "liston de mensogaj kaj koruptaj politikistoj pagitaj per specialinteresoj."
Kun la decido de mardo, la nova usona administrado de Donald Trump renversas la decidon adoptitan de sia antaŭulo, Joe Biden, kiu forigis la insulon el la listo la 15-an de majo, argumentante, ke la cirkonstancoj por la atesto de Kubo kiel "tute nekunlabora lando" ŝanĝiĝis.
Fonto: PL
