Manuel Marrero partoprenas provincan ceremonion en Havano.

Havano, jul 22 (RHK) Manuel Marrero Cruz, membro de la Politika Buroo kaj Ĉefministro de Kubo, prezidis hodiaŭ en ĉi tiu ĉefurbo la provincan ceremonion memorigante la 72-an datrevenon de la atako kontraŭ la kazernoj Moncada kaj Carlos Manuel de Céspedes, kiu estos celebrata la 26-an de julio.

Laŭ la kuba ĉefministro, li partoprenis la ceremonion kun la popolo de la municipo Diez de Octubre por honori la generacion, kiu ne lasis la Apostolon José Martí morti en la jaro de lia centjariĝo.

Dum la evento, elstaraj laboristoj estis agnoskitaj pro siaj kontribuoj al la disvolviĝo de la provinco, kaj la municipo Diez de Octubre ricevis rekonon de la Partio kaj la havana registaro pro siaj atingoj, kio gajnis al ĝi la titolon de gastiganto de la memorfesto.

En sia parolado, Lisara Corona Oliveros, unua sekretario de la Municipa Komitato de la Komunista Partio de Kubo (PCC), memorigis la heroaĵojn de Moncada, elstarigis la atingojn de la teritorio, kaj reasertis la engaĝiĝon de la popolo de Diez de Octubre al la idealoj de la Revolucio.

Ŝi asertis, ke ĉi tiu estas la generacio de la centjariĝo de Ĉefkomandanto Fidel Castro Ruz, kaj tial, la gardanto de lia historia heredaĵo.

La evento finiĝis per parolado de Liván Izquierdo Alonso, sekretario de la Provinca Komitato de la komunista partio  kaj la kulturaj momentoj reasertis la spiriton de batalo kaj espero, kiu karakterizas la kuban popolon.

Fonto ACN/Cubadebate