de María Josefina Arce

Universitatoj en Kubo, kun sia granda scienc-teknologia potencialo, pli kaj pli vastigas sian partoprenon en sociekonomika evoluo, strategio instigita de la registaro por kontribui al la progresigo de la nacio kaj la bonfarto de ĝiaj civitanoj.

2023 montris kiom da tereno estis gajnita tiurilate. Laŭ aŭtoritatoj de la Ministerio de Supera Edukado, kubaj centroj de supera edukado estis implikitaj pasintjare en pli ol 1 300 projektoj.

La rezultoj estis ege kontentigaj en prioritatitaj lokoj de la lando kiel nutraĵa kaj nutra sekureco, biomedicino, publikaj politikoj, cifereca transformo kaj loka disvolviĝo.
Ĝuste 400 el tiuj iniciatoj estis rekte ligitaj al la progreso de diversaj lokoj en la nacia teritorio.

Granda efiko estis sur la uzo de renoviĝantaj energifontoj, kiuj ne nur profitigas la loĝantojn de certa loko, sed ankaŭ permesas prizorgi la medion kaj ankaŭ estas parto de la planoj de la registaro por konsiderinde redukti dependecon de fosiliaj brulaĵoj.

Profesoroj, esploristoj kaj studentoj ankaŭ kontribuis al la trejnado de lokaj ekonomiaj agantoj kaj al la aliĝo de la loĝantaro al komunuma laboro.

En la nuna kunteksto, kun plifortigita nordamerika blokado kaj kompleksa internacia situacio, estas nepre plifortigi la ligon inter la scio-sektoro kaj la produktado de varoj kaj servoj, por la progreso de la lando.

Estas neceso, ke la malsamaj scibranĉoj serĉu solvojn al la problemoj de ĉiu el la teritorioj kaj pli profitu ilian potencialon.

La kuba prezidento, Miguel Díaz Canel, emfazis la rolon, kiun universitatoj estas vokataj ludi en nacia evoluo, kiu povas multe kontribui en scio, strategioj, teknologioj kaj novigaj procezoj.

Ĉi-jare, altlernejaj centroj kompromitas daŭre antaŭenigi kaj perfektigi la ligon kun lokaj registaroj, ekonomiaj aktoroj kaj la komunumo ĝenerale, por doni decidan subtenon al la progresado de la lando.