Kubo komencas ĉi-monate amasan vakcinadon de infanoj kaj adoleskantoj

Ena Elsa Velázquez, ministrino pri  Eduko

Havano, sep 2 (RHK) La vakcina strategio kontraŭ Kovim-19 en infanaj aĝoj jam estas fakto, ĉar la rekomenco de la lerneja jaro ĉeeste en oktobro kaj novembro dependas de ĉi tio kaj de la sanitaraj rimedoj, kiuj devas daŭre esti strikte observataj, kaj ke ĝi pasas sekure.

Pri ĉi tiu procezo, kiu komenciĝos en la unuaj tagoj de septembro, la ministrino pri edukado, Ena Elsa Velásquez Cobiella, raportis ĉe radiotelevida programo  Ronda Tablo ĉi-merkrede, ke, konsiderante la prioritatojn de la sektoro, tri vakcinaj grupoj estis establitaj.

En la unua, ŝi klarigis, estas la studentoj de 12a grado, de la tria jaro de teknika-profesia edukado, kaj de tria kaj kvara jaroj de pedagogia trejnado, kio permesos, ke post apliko de la tria dozo ili rekomencu la ĉeestan kurson la 4an de oktobro.

La dua, ŝi aldonis, konsistas el studentoj inter 12 kaj 18 jaroj, inkluzivas studentojn de sesa grado kaj komencos ilian vakcinadon la 5an de septembro. La 8-a de novembro estos la tago de rekomenco de la kurso, persone, por ĉi tiu grupo.

La infanoj de bazinstruado, kiuj konsistigas la trian grupon, komencos la vakcinadon la 15an de septembro, tiel ke  la 15an de novembro ili rekomencos siajn lecionojn en la klasĉambroj.

La ministrino diris, ke en ĉiu teritorio la rekomenco de ĉeesto povas varii, ĉar ĝi dependas de la vakcinaj kalendaroj en ĉiu kazo kaj de kiel la kampanjo progresas.

En  kunveno pasintmarda, de la Unua Sekretario de la Centra Komitato de la Partio kaj prezidento de la Respubliko, Miguel Díaz-Canel Bermúdez, kun sciencistoj kaj spertuloj, kiuj partoprenas sciencajn kaj teknologiajn novigajn agadojn por alfronti la kronviruson, oni sciis ke la unua grupo ricevos la vakcinon Abdala, kaj la aliaj du la planon kun Soberana 02.

D-ino María Elena Soto Entenza, estro de la Departemento pri Baza Sanprizorgo de la Ministerio pri Publika Sano, memorigis, ke la strategio establas  aplikon de la tri dozoj de la vakcinoj, kvankam provoj en infanaj aĝoj montris pliiĝon de titoloj de antikorpoj de subjektoj kun nur du dozoj.

Pri infanoj alergiaj al tiomersalo, ŝi certigis, ke ili ankaŭ estos vakcinitaj, ĉar injekteblaĵoj sen ĉi tiu ero haveblas ĉi-monate.

Dume, por beboj kaj adoleskantoj, kiuj suferis Kovim-19, oni preparas la kondiĉojn por prezenti la studon al la Centro por Ŝtata Kontrolo de Medikamentoj, Ekipaĵoj kaj Kuracaj Aparatoj (Cecmed), kaj fokusiĝi pri ĝi post kiam progresos vakcinado  de konvaleskaj plenkreskuloj.


Fonto: Granma
 

Eldonita de Maritza Gutiérrez González



Komentarioj


Lasu komentarion
Ĉiuj kampoj bezonatas
Ne estos publikigita
captcha challenge
up