Havano, dec 24 (RHK) Kuba prezidento Miguel Díaz-Canel atentigis, ke konstrui fortan loĝejan fondaĵon, kiu rezistas la ruinojn de ciklonoj, estas hodiaŭ prioritato por la lando.

En kunveno de la Nacia Noviga Konsilantaro (CNI), okazinta la antaŭan tagon, pri  loĝado kiel la centra afero, la prezidento rememoris, ke la lastatempa trairo de uragano Ian tra la okcidento de la insulo, estis damaĝitaj  pli ol 100 000 hejmoj, el kiuj  bona parto estis la tiel nomataj provizoraj instalaĵoj.

Ni ne povas daŭre vivi sub la dilemo, ke ĉiufoje kiam venas uragano, miloj da domoj perdiĝas, kiujn ni tiam devas rekonstrui, li diris.

En la kunveno, pluraj specialistoj faris sugestojn al la registaro, inter ili la graveco restarigi la rolon de la ŝtato en la administrado de loĝejoj, kiu, ili asertis, ne signifas financadon, sed administri egale por ĉiuj.

Ili ankaŭ atentigis la bezonon de la praktika enkonduko grandskale de solvoj kiel la uzo de LC2 aŭ LC3-cemento, formulita de kubaj esploristoj, kiu signife reduktas fuelkonsumon kaj ellason de karbondioksido.

Ili asertis, ke ekzistas sciencaj rezultoj en la kampo de konstrumaterialoj en la lando, kelkaj el ili parte enkondukitaj kaj aliaj ne praktikitaj.

Ili ankaŭ reasertis la gravecon de urbaj registaroj kiel taŭgaj administrantoj de la loĝadprocezo, kaj la konstruado de daŭrigeblaj, amikaj kaj humanaj urboj, "kiuj atingas racian funkciadon kaj efikan kaj partoprenan administradon".

La Nacia Konsilantaro pri Novigo, kreita en 2021, estas konsulta organo de la Kuba Ŝtato kun la centra funkcio helpi la Prezidenton de la Respubliko kaj fari rekomendojn por antaŭenigi la kreadon en la lando.

Ĝi estas platformo por diskutado kaj interŝanĝo de ideoj kaj perspektivoj inter specialistoj de la sektoro de produktado kaj servoj, de universitatoj, de sciencaj, teknologioj kaj novigaj estaĵoj, same kiel de la kuba registaro.

Fonto:PL