Kuba ĉefministro Manuel Marrero. Foto: @GobiernoCuba/X
Havano, nov 8 (RHK) La kuba ĉefministro Manuel Marrero parolis, ĉi-mardon, en forumo kun ĉinaj turismaj operatoroj, en kiu li konfirmis la sekurecon kaj geografian pozicion de la kariba insulo.
La ankaŭ membro de la Politika Buroo kaj Ĉefministro, emfazis ĉi-mardon la plur-sektoran kunlaboron kun Ĉinio, "esprimon de la strategia naturo de la ligiloj inter granda kaj malgranda lando, ambaŭ socialismaj."
En renkontiĝo kun komercistoj kaj amikoj de la kariba insulo, la registarestro emfazis la esencajn trajtojn de la ligiloj de amikeco kaj kunlaboro inter la du nacioj.
Inter tiuj, li menciis dialogon je la plej alta nivelo kaj reciprokan politikan konfidon kaj, tiusence, certigis, ke ekzistas "la senŝanĝa volo kaj decido de ambaŭ flankoj levi ekonomiajn, komercajn kaj financajn rilatojn al la sama nivelo kiel bonegaj politikaj rilatoj.“
"Ni konservis proksiman kunordigon kaj reciprokan subtenon pri decidaj aferoj por ambaŭ landoj en internaciaj forumoj," li aldonis.
La ĉefministro aludis al la komunaj obstakloj kaj defioj, kiujn alfrontis la azia giganto kaj la antila lando.
"Ĝi estis periodo en kiu Kubo alfrontis kompleksan situacion derivitan de la kombinita efiko de la senprecedenca intensigo de la unuflanka blokado de la usona registaro, la amasigitaj efikoj de la pandemio, same kiel aliaj internaciaj konfliktoj," li notis.
Marrero Cruz dankis Ĉinion, kaj precipe ĝian komercan komunumon, pro la subteno kaj fido eĉ en la plej malfacilaj tempoj.
"Kaj registaroj kaj institucioj konsentas pri la bezono krei kondiĉojn kaj favoran komercan medion por ke komercaj sektoroj povu disvolvi sian laboron sur reciproke utila bazo," li diris.
Li ripetis, ke Kubo ofertas ŝancojn por komerco kiel ĝia geografia situo, ĝia naturo, turismo, kulturo, la trejnado de sia personaro, politika stabileco kaj, ĉefe, sia gastama popolo.
La ĉefministro reasertis la volon antaŭenigi eksportojn de tradiciaj aĵoj kiel nikelo, tabako, mielo, fiŝkaptaj produktoj, rumo, inter aliaj, dum ili laboras en aliaj areoj kiel sanservoj, edukado kaj sporto, kaj turismo.
Fonto: Cubadebate
