Foto: @Prezidanteco

Havano, feb 23 (RHK) La unua sekretario de la Centra Komitato de la Komunista Partio de Kubo (CC-PCC) kaj prezidento de la Respubliko, Miguel Díaz-Canel, vizitis la municipojn Manuel Tames en Guantánamo kaj  la municipon Palma Soriano, en la orienta provinco Santiago de Kubo.

Ĉi-foje, la vizito celis emfazi la mankojn. Ne estas por malkuraĝigi, sed tute male, trovi la lumojn kaj la fortojn, kiuj povas esti pli bone organizitaj, por, kiel dirite, elŝiri peceton el la problemoj ĉiutage.

La ŝtatestro estis akompanata de la Sekretario pri Organizo de la CC-PCC, Roberto Morales Ojeda. Ambaŭ vizitis diversajn ekonomiajn entojn de Santiago post viziti la guantanaman municipon Manuel Tames, la Prezidanteco de la Respubliko deklaris en sia X-profilo.

La du partiestroj alvenis ankaŭ al la kompanioj AZUMAT, dediĉitaj al la loĝistiko de la sukerrikolto, kaj ZETI kies profilo estas industriaj teknikaj servoj.

En tiuj lokoj ili interŝanĝis kun manaĝeroj kaj laboristoj pri la larĝa potencialo, kiun ambaŭ entoj, apartenantaj al la Grupo AZCUBA, havas.

La fonto aldonas, ke la turneo ankaŭ inkludis la sukerfabrikon Dos Ríos, la solan, kiu muelas en la provinco Santiago de Kubo.

Ekde 2010, ĉi tiu industrio ne plenumis la planon de rikolto. Por ĉi tiu jaro ĝi devas liveri ĉirkaŭ 18 mil tunojn, kaj eĉ kiam ĝi havas malfruojn ĝi ne rezignas plenumi ĝin.

La dialogoj inter prezidento Díaz-Canel kaj la loĝantoj de ĉiu municipo okazis dum la turneo. Kiam la Unua Sekretario de la Centra Komitato de la Partio eliras sur la straton kaj renkontiĝas kun la popolo, li klarigas al la homamaso pri la signifo de la nunaj vizitoj, kaj pri ideoj, kiuj hodiaŭ estas urĝaj kaj valoraj por la lando. Infektu per realisma optimismo, aŭskultu la frazojn, kiuj aperas el la homoj, kaj memoru, ke nenio falos de la ĉielo, ke nur laborante kaj produktante ni antaŭeniros.

Fonto: @Prezidanteco/Granma