Foto: Granma

Havano, dec 25 (RHK) La kuba ĉefministro Manuel Marrero plenumis laborviziton al la provincoj Santiago de Kubo, Holguín kaj Guantánamo en la orienta regiono de la insulo.

Dum raporto  de la guberniestro de Santiago de Kubo,  Beatriz Johnson Urrutia, okazinta sabate en la Vitrala Salono de la Placo de la Revolucio Ĝenerala Urbestro Antonio Maceo Grajales, la ĉefministro esprimis ke  «de kiam ni anoncis la rimedojn por korekti la distordojn de nia ekonomio, la kritikoj kaj misprezentoj de la malamikoj estas konstantaj; sed oni scias, ke tio, kion ni neniam ŝanĝos, estas la fundamentoj de la socia justeco de la Revolucio de la humilaj, kun la humilaj kaj por la humilaj.»

Poste en la najbara provinco Holguín,  Marrero partoprenis la urban asembleon de la popola regorgano, kaj tie asertis ke urĝas plifortigi agrikulturon en la municipoj surbaze de sia propra potencialo, por kontentigi la bezonojn de la homoj.

Pri la rezultoj kaj projekcioj de la ekstremorienta provinco  Guantánamo en la ekonomiaj, sociaj kaj servoj branĉoj, Marrero Cruz, antaŭ ol juĝi, aŭdis de la guberniestro Alis Azahares Torreblanca ampleksan klarigon, kompletigitan en specifaj aspektoj de urbestroj de kelkaj municipoj, kaj notojn de Yoel Pérez García, membro de la Centra Komitato kaj unua sekretario de la Partio en la teritorio.

Tie li esprimis ke "se la loka disvolva strategio ne plene kovras la potencialon de la municipo, ĝi devas esti reviziita."

Li parolis pri la montoj kaj la vario de agrikulturaj manĝaĵoj, kiuj povas esti produktataj en ili, kaj alvokis ekspluati tiujn kapablojn, tiel ke necesas nur alporti al la montetoj tion, kio ne estas produktebla tie. "Ni devas planti - kaj ne nur kafon - ĝis la lasta kvarono de la tero", li defendis, aludante urbojn kiel Maisí, kaj instigis antaŭenigi organoponikon kaj kultivi manĝaĵon en kortoj kaj familiaj parceloj.